Tea WG Salon & Boutique (已結業)

又到休闲嘅星期日，同屋企人去左兜兜车，顺便去elements行吓街，食个下午茶😋到餐厅时因为咁啱两张枱分开，所以未可以入座住，之后服务员好好心咁帮我地将两张枱合拼埋俾我地，等嘅时间大约5分钟内～我地大概3:40入座。呢度嘅环境够光猛，装修简洁，一罐罐嘅茶摆系一格格嘅柜上面，茶嘅品种超过100，另外有一个玻璃柜装住一件件蛋糕同埋唔同颜色嘅macaroon，可以一目了然。我地分别叫左3个唔同嘅下午茶，妈妈叫左个scone同macaroon，爸爸叫左个蛋糕🍰同macaroon，我叫左个croque monsieur 同macaroon。我个三文治因为要煎所以最后先黎。味道一路保持水准👍🏻，卖相👍🏻，服务都OK。餐厅约4点有几个游客入左黎，讲嘢比较大声，又系度行黎行去，令餐厅环境有啲嘈😑，不过打开门做生意呢啲嘢无得避免，系希望啲游客唔好觉得自己去旅行大晒，要注意言行举止。