土生花 (已結業)

在K11 Musea ，有好多唔同食物馆嘅选择，但系我偏爱呢一间韩式素食料理。环境非常优美每一次入到黎都有一个好舒适嘅感觉，每一次都系尝试佢嘅午餐，唔可以话用惊为天人佢形容进餐经验，但系每一次食完都有一个好舒适嘅感觉。佢哋喜欢用简单嘅食材做出特别嘅配搭，可以话系素食里面嘅fine dining ，好适合啱啱想尝试食素食，但系又心思思想试多啲口味嘅朋友。午餐系二百零蚊嘅选择，我今次嘅餐牌都系以碳水化合物为多，特别一提系佢嘅薏米豆腐，平时唔大喜欢食薏米，但系佢呢个做法非常之入味，冇咗𠮶种好黏口嘅感觉。想尝试吓素食嘅朋友可以一试，但系唔好谂住食素就一定会好平，享受嘅除咗系食物，仲有佢舒适嘅环境。