Green Waffle Diner (形點) (已結業)

通常约人去Yoho mall倾偈，都会拣去Green waffles，贪佢静静地几好坐，坐位间又濶落，就算系商场open area都唔觉热。是日又同朋友黎左食，餐牌update左，仲多左生酮餐同无面粉嘅窝夫班㦸等，正㖞，生酮都有甜品食，等我话比食紧生酮餐嘅同事先。平日下午茶时段客人唔多，有七、八枱客左右。我地拣左张大卡位坐，哈哈，呢张枱够晒濶落，仲冷气十足，舒服舒服～睇左睇餐牌，下午茶都几啱食，就叫呢个啦。牛油果软壳蟹墨西哥饼配薯粒牛油果一向系favour，一见到已经想叫呢样。上到枱卖相唔错㖞，墨西哥卷一开为二，里面包住厚切牛油果肉同半只软壳蟹，牛油果很creamy，软壳蟹十分有惊喜，炸得香脆酥软，仲系大size蟹，有蟹肉同蟹膏，系蟹膏！第一次食软壳蟹有蟹膏！！旁边附上酸忌廉，随个人喜好加进墨西哥卷，剩低的用来点薯粒都唔错。焦糖香蕉窝夫配云呢那雪糕食完咸点又试埋个甜品先，附上的雪糕可以拣云呢拿或者朱古力口味，我哋就拣咗云呢拿。窝夫外脆内软，仲食到蛋香添，加点放在枱上的枫糖就好完美了。焦糖香蕉基本上无得输，又甜又香最啱做甜品。热咖啡食甜品配咖啡特别夹，要左两杯热啡，奶同糖都系自由添加的。