影片
更多
2019-08-31
542 浏览
心血来潮想慰劳一下每日由05:00忙碌到19:00嘅自己～(⁎⁍̴̛ᴗ⁍̴̛⁎) 见到呢间café 个名咁特别，亦令我谂起每日早晨色彩多变嘅晨曦🌅，感觉就系呼唤紧我。既然如此，就不妨试下啦！用openrice订座服务，可累积飞行里数或积分作以后兑换优惠之用。完成网上订座，店员立即打电话黎确认时间及用餐人数，有效率而且好有礼貌。向店员了解咗晚餐时间，20:30 last order，21:30 闩铺。想食晚餐嘅客人最好订位及于20:00前入坐，以便厨房早作准备。Dawn 位于内街，铺面并不起眼，室内装修优雅、环境清静，适合想系繁嚣中寻找一片宁静嘅客人。用餐流程：先系门口柜台落单比钱，拎个号码牌作记认，店员会亲自送上餐点。1\烧猪腩肉烧猪腩肉脂肪分布平均，肉质鲜嫩、肉汁丰富。外皮烧得微微脆口，可能晚市临闩铺，烧肉唔系新鲜炮制，外皮有丁点儿韧。柚子胡椒酱汁经过调配，酸甜带啲微辣，几开胃。🥗沙律菜及葱丝份量颇多，而且新鲜，配搭酸甜酱汁，可减低烧猪腩肉嘅油腻感。水波蛋生熟程度刚好，蛋黄仍维持水水嘅状态。煮嘅时候落咗白醋，令蛋白冇飞散出黎，形状工整。食法按个人喜好，可以一啖放入口中，或把烧猪腩肉切片沾蛋黄
见到呢间café 个名咁特别，亦令我谂起每日早晨色彩多变嘅晨曦🌅，感觉就系呼唤紧我。既然如此，就不妨试下啦！
用openrice订座服务，可累积飞行里数或积分作以后兑换优惠之用。完成网上订座，店员立即打电话黎确认时间及用餐人数，有效率而且好有礼貌。
向店员了解咗晚餐时间，20:30 last order，21:30 闩铺。想食晚餐嘅客人最好订位及于20:00前入坐，以便厨房早作准备。
Dawn 位于内街，铺面并不起眼，室内装修优雅、环境清静，适合想系繁嚣中寻找一片宁静嘅客人。
用餐流程：
先系门口柜台落单比钱，拎个号码牌作记认，店员会亲自送上餐点。
1\
烧猪腩肉
烧猪腩肉脂肪分布平均，肉质鲜嫩、肉汁丰富。外皮烧得微微脆口，可能晚市临闩铺，烧肉唔系新鲜炮制，外皮有丁点儿韧。
柚子胡椒酱汁经过调配，酸甜带啲微辣，几开胃。
🥗沙律菜及葱丝份量颇多，而且新鲜，配搭酸甜酱汁，可减低烧猪腩肉嘅油腻感。
烧猪腩肉
$108
30 浏览
0 赞好
0 留言
水波蛋生熟程度刚好，蛋黄仍维持水水嘅状态。煮嘅时候落咗白醋，令蛋白冇飞散出黎，形状工整。食法按个人喜好，可以一啖放入口中，或把烧猪腩肉切片沾蛋黄酱食用，或配夹包食用。
味道方面水波蛋有轻轻一阵香草味，冇醋嘅酸味。由于水波蛋一般调味较少，用意品尝蛋香味，因此建议采用蛋黄味更浓郁嘅鸡蛋🥚，以提高味蕾嘅享受。
烧猪腩肉
$108
24 浏览
0 赞好
0 留言
夹包（又称刈包）系台湾出名小食。传统馅料以片状五花卤肉、酸菜、花生粉及香菜等为主。今次馅料系烧猪腩肉配合葱丝、沙律菜同柚子胡椒汁，味道较清新。夹包质感似馒头，解决咗腩肉油腻感。
烧猪腩肉都几大旧，希望有多个夹包，咁就可以同朋友一人一份，一齐品尝下台湾fusion 菜式。🎉
烧猪腩肉
$108
22 浏览
0 赞好
0 留言
2\
卷通粉
配料包括鸡肉、杂菌、红洋葱、油浸蕃茄干、甘荀忌廉汁。餐牌经修改，加入「油浸蕃茄干」，可惜蕃茄干份量好少，要仔细食先有所发现。
👨🍳卷通粉面层配上芝士再焗，上菜时店员贴心地提醒小心餐盘烫手。甘荀忌廉汁味道同卡邦尼汁相似，焗芝士味道香浓，做到拉芝效果🧀。通粉长条状，侧面呈8字形状，口感带点烟韧，有咬口。份量唔少，两人share食落冇咁腻。
卷通粉
$92
31 浏览
0 赞好
0 留言
3\
甘笋合桃蛋糕
蛋糕口感蓬松而且湿润、弹性低，质地近似戚风蛋糕，当中加入合桃及萝卜丝。几乎每一啖都食到合桃或者萝卜丝，口感好丰富。糖霜甜而不腻，味道有啲似吉士。水准唔错！
甘荀合桃蛋糕
$45
24 浏览
0 赞好
0 留言
4\
Non Coffee drink：
Iced Matcha Latte
Dawn 于8月更新咗餐牌，加入新饮品Matcha Latte。🥛 奶嘅味道比较甜，似系选用植物奶。🍵 抹茶味道清澈、甘甜唔苦涩，带有沉稳嘅茶香味。抹茶甘味同奶嘅甜味相辅相成，味道香浓，甜而不腻。
抹茶由上好嘅茶叶磨成粉末，含有氨基酸，除咗降低患癌风险，亦能抗氧化。
Iced Chocolate
可可味浓厚，口感顺滑凉快，而且果腹。辛苦咗成日，饮返杯冻朱，心里不自觉地甜滋滋起黎。
Matcha Latte & Chocolate
$48
32 浏览
0 赞好
0 留言
21:00左右，餐厅只剩低我哋一枱客人。虽然店员冇赶客，但我哋都唔好意思阻人收铺😅，所以没久坐，离开时店员仲有礼貌地同我地道别。整体而言，用餐感觉良好，值得推荐。
张贴
