Bacaba

营业中

休息中

餐厅环境都几宽敞,仲分左室内外座位.而且仲有吧枱位,食饭吹水俩相宜,而且佢地仲参加左安佳芝士既拉丝活动,可以俾食客挑战下PIZZA既芝士可以拉到几高,无论结果如何,都可以得到环保袋一个,真系有得食又有得玩,有兴趣既朋友都去试下啦~墨西哥铁板烤鸡扒＆牛扒原块铁板上，本身以为鸡扒同牛扒会好柴好干，但入口又唔会，可能系底垫左d洋葱同彩椒既关系，肉质都好淋但仲保留到肉汁。反而洋葱同彩椒吸引哂d肉汁食落更加惹味。另外仲可以配埋莎莎酱、牛油果酱同酸忌廉用粟米饼卷埋一齐食，令滋味更丰富。烤鸡肉卡巴一向都好钟意食卡巴，但好怕食到菜多肉少，食食下d菜汁流到买系，呢度既卡巴菜同肉既份量就岩岩好，食到香辣既鸡肉之余，仲食到新鲜爽脆既沙律。而且仲可以系11款酱汁之中拣3款，口味自由配塔。梗有一款岩食。玛格丽特薄饼期间限定既薄饼，因为要拉到丝既关系，所以mozzarella既份量好多，而且蕃茄味都好浓郁，加埋脆卜卜既饼底。味道同口感都好好。