八號草 (已結業)

今日约咗个朋友睇佢玩草球, 记得呢度以前仲系美孚保龄球场, 大约半年前改咗做草地滚球. 跟住呢度间餐厅都改变咗做八号草. 行比较高一档次嘅西餐, 我朋友在请我玩草球同食呢个西餐. 原来平时街外人都可以walk in食, 唔一定要玩草球先食得. 今日系平日又唔算多, 所以可以静静地同朋友倾计食饭. 佢哋啲set dinner都属于中价位, 二百几蚊一个set. 我就拣咗西冷牛扒, 我朋友就食三文鱼扒餐. 首先就嚟个沙律. 一个烟三文鱼, 另一个西班牙火腿. 两个卖相都几好食物又唔差, 三文鱼夹埋啲鱼籽, 火腿侧夹蜜瓜同芝士, 分量都几大碟. 加28蚊叫龙虾汤, 味道浓洧好有虾膏香味, 而且另外加咗啲鱼柳落去煲. 至于罗宋汤就一般ok. 个主菜非常之好味, 三文鱼扒层皮煎得很脆香, 再加上佢嘅蒜蓉白汁, juicy又唔腥. 牛扒烧得恰成, 网纹卖相吸引, 而且块扒本身肉质油香唔错. 至于嘅焦糖炖蛋附有士多啤梨及蓝莓, 而且相信加咗云呢拿油去整, creamy但又唔太甜. 性价比ok唔错. 最紧要系地方大坐得又舒服. 估唔到美孚新村都有啲咁嘅休闲食嘢地方.