圓苑

营业中

休息中

休闲饮茶🫖同个friend去尖沙咀行街，经过山林道，行到攰坐低饮下茶，食下点心😋😋环境好好，好舒服，楼底都好高。呢度啲选择都几多，有啲嘅点心都好特别。我哋嗌左杞子蒸烧卖，雪影焗餐包，米惘得意肠，蜜汁叉烧王同埋怀旧芝麻卷。杞子蒸烧卖大大粒，岩岩蒸好，唔会有好多肥猪肉，食落应该有两只虾咁多，都几新鲜，唔错。雪影焗餐包三个包包热辣辣，表皮好脆脆地，加埋叉烧唔会太甜，夹埋都几好食😋。米网得意肠最欣赏呢个，中间炸网包住虾，类似春卷，再用肠粉包住，外软内趣，口感特别，几有特色。蜜汁叉烧王呢个出名嘅叉烧，系热碟上嘅，热热地，肉质好好，如果有碗饭用嚟送饭更加一流。怀旧芝麻卷最后食埋呢一个怀旧芝麻卷，农乡嘅芝麻味，软熟嘅质感，再摊埋杯茶，够晒relax。