CHIC Italian Cuisine and Oyster Bar (已結業)

同至爱嘅人去纪念一啲特别嘅节日，当然要 拣一啲较为高级嘅餐厅。除咗食物嘅质素要好之外，餐厅嘅环境都系非常之重要㗎!今次呢到尖沙咀, 呢一间餐厅就包含咗呢两样要素。 餐厅嘅环境无论系室内环境,装横格调,都显出有一个高雅脱俗嘅感觉。 座位亦见宽敞舒适, 布置精美。 头盘有蕃茄,薯条,猪肉肠,炒蛋同埋巴拿马火腿。 炒蛋非常之嫩滑,好香香草味。薯条较为幼身，表面加了胡椒粉，好惹味。番茄好新鲜好甜，够多汁。巴拿马火腿，切得好薄，咬落好有咸香味，肉质软熟。猪肉肠较为油腻，啖啖肉。 主菜叫咗大虾长通粉。长通粉配以番茄汁，食落好醒胃。 大虾都好新鲜，弹牙，份量亦够多。长通粉较硬身，如果软啲就更加好味。 5成熟嘅rib eye steak, 一上碟已经觉得佢好香。外层煎得刚好，有焦香味。牛扒软熟而不腻，牛肉味虽不算浓，但肉汁搭够。 最后奉送一道小甜品，甜品以奶油慕斯是为主，上面加上一啲脆脆，食落口感软滑有层次。