伙食工業 (已結業)

火炭一个偏偏地嘅地舖，原来系台式餐厅。好早排电视节目介绍过，但位国实在太吊脚，所以排到咁迟先黎。一个绝对唔适合推BB车黎嘅地方，入门口先爬上N级楼梯。里面装修非常有趣，完全工业风，几有风味。 台式香酥鸡排饭 $60 份量都几多，鸡排炸得香酥，落左辣粉几惹味。肉质正常啦，配饭食都相当饱肚。 红烧牛筋腩面 $60 一大碗好澎湖，成碗面都系肉，牛筋够腍都好入味，牛腩又够肉。 鲁肉饭配鲁蛋 $25 廿几蚊一碗都几抵食，𩠌料够多，酱汁捞饭正。 美禄恐龙 $20 摩卡冰沙 $42 打得几滑，味道都够浓，唔会饮到一半就淡而无味。 餐厅系特别嘅，味道都好，但位置确实就唔系几方便，试过就算了。