Cantina

营业中

休息中

一入到餐厅啱啱坐低，摆咗支茶同手提电话喺枱面，都未坐好整理自己嘅物品。有位外国女侍应行埋嚟第一句就话要收走我支茶，之后就走咗，佢行埋嚟竟然唔系打招呼或者介绍menu？！当下觉得好错愕，我都冇打开枝茶饮，亦都冇呢个打算，因为我哋个brunch系包任饮汽泡酒。最后去到埋单走人，支茶都冇人主动俾返我，我自己离开中环，觉得好热先发现支茶真系俾人「没收」咗。有冇搞错，从未试过去一间餐厅会俾人没收私人物品。你可以话我自己都唔记得拎返支茶，但如果一间餐厅系会没收客人自备饮品嘅话，系咪应该有责任主动俾返客人？又唔系我自己要求比佢哋保管，点解责任会去返客人度？我写email同餐厅反映，等咗几日冇回覆，咁冇礼貌嘅餐厅都真系大开眼界。