影片
更多
2021-06-02
4048 浏览
荃湾美式汉堡店 B.O.T.H. by Texas Burger系旺角Texas burger嘅姊妹店！B.O.T.H. 意指 Backyard of the House。店内放满绿色植物，采用落地玻璃，自然光洒入，希望营造岀外国后院嘅感觉。环境开掦，窗边位楼底较高，梳发位尤其舒适~平日下昼嚟到人唔算太多，星期六日就要有心理准备要排长龙啦。建议大家预先订位！▪️卡尔谷烟熏车打牛肉汉堡 $138面包经烘过，软熟带咬口。汉堡扒厚身，充满肉汁，牛味唔算好浓但都算突岀，食落唔会好实好嚡。配上带微辣嘅chipotle mayo，香口得嚟可以一减油腻感，估唔到牛肉汉堡同辣椒酱又几夹！唯独车打芝士嘅香气较为低调。加上蕃茄生菜，整体湿润得嚟 个包又唔会太湿太腍。薯条香脆，内𥚃软绵，调味十足！▪️水煮蛋牛油果吐司 $118牛油果吐司以rye toast为基底，黑麦面包边边位香脆带嚼劲，包体带酸味，个人就几钟意呢种香气。可能系黑麦面包上直接涂上牛油果蓉嘅关系，面包容易变得软腍，失去咀嚼感。吐司上放有几片牛油果，感觉上牛油果过熟，熟到发黑，幸好入口无怪味，不过牛油果味欠奉。水煮蛋则煮得啱啱好，超流心！整个味道偏
系旺角Texas burger嘅姊妹店！B.O.T.H. 意指 Backyard of the House。店内放满绿色植物，采用落地玻璃，自然光洒入，希望营造岀外国后院嘅感觉。环境开掦，窗边位楼底较高，梳发位尤其舒适~
平日下昼嚟到人唔算太多，星期六日就要有心理准备要排长龙啦。建议大家预先订位！
▪️卡尔谷烟熏车打牛肉汉堡 $138
面包经烘过，软熟带咬口。汉堡扒厚身，充满肉汁，牛味唔算好浓但都算突岀，食落唔会好实好嚡。配上带微辣嘅chipotle mayo，香口得嚟可以一减油腻感，估唔到牛肉汉堡同辣椒酱又几夹！唯独车打芝士嘅香气较为低调。加上蕃茄生菜，整体湿润得嚟 个包又唔会太湿太腍。薯条香脆，内𥚃软绵，调味十足！
▪️水煮蛋牛油果吐司 $118
牛油果吐司以rye toast为基底，黑麦面包边边位香脆带嚼劲，包体带酸味，个人就几钟意呢种香气。可能系黑麦面包上直接涂上牛油果蓉嘅关系，面包容易变得软腍，失去咀嚼感。吐司上放有几片牛油果，感觉上牛油果过熟，熟到发黑，幸好入口无怪味，不过牛油果味欠奉。水煮蛋则煮得啱啱好，超流心！整个味道偏清淡，有时候食野真系好睇运，牛油果质素麻麻，幸好有香气十足嘅rye toast搭救。
▪️核果奶盖班㦸 $118
卖相超吸引！厚厚一块班㦸 相当松软湿润 带空气感，略嫌蛋香偏淡。班㦸上淋满奶盖，更有焦糖脆面、香脆合桃、肉桂粉，不过奶盖奶味偏淡，只能为班㦸添上湿润感。建议大家要快快摆入口，唔好慢慢食，如果唔系班㦸嘅空气感就会随时间而减低。
▪️Milkshake - Garfield $58
系伯爵茶味嘅milkshake~ 伯爵茶味比想像中突岀！奶香同样互不相让。质地顺滑，当中更加有饼碎增添口感。整体嚟讲，餐厅环境开扬 相当舒适，好彩坐到梳发位嘅话就更chill~ 平日晏就嚟放空一吓都唔错。汉堡正常发挥，牛油果就睇运啦。餐厅定价较高，但胜在环境舒适，偶尔想同朋友小聚一番 hea返几个钟，呢到都系一个唔错嘅选择！
张贴
