無印良品 (已結業)

芝士包 $25味道同其他面包舖差唔多，muji啲芝士好大粒，不过最近买就切细左视觉上睇落多左。纪子桂圆石臼法包 $48/份 $25/半份买完整一个太多，两个人分左两日先食得晒。试完伯爵茶包之后食尼个觉得好普通，无乜味只得少少麦味，太健康唔好食，几多龙眼肉算足料,，包口感唔松软偏实。黑芝麻黄梅合桃包 $42/份 $24/半份拎落好重手、有啲啲咸、芝麻几香，好重梅味会盖过芝麻、只系食到少少芝麻味。伯爵红茶香橙碧根果仁包 $25个人觉得无印最好食嘅包，茶味好香，馅料唔算好多，有啲啲橙皮同少量碧根果，包一啲都唔干，好soft，成个配搭好清新，食到停唔到口，earl grey lover必试！伯爵红茶忌廉芝士鲜奶球 $15平时食开啲鲜奶球都系无陷，好惊喜尼个有仲要都唔少，面有啲油同黏，闻落唔系好重伯爵茶味，食落好香茶味，馅料系cream cheese，同茶味好夹。