上樓 (已結業)

星期日晏昼本来想去潮楼饮茶，但系好似唔使钱咁多人！咁又知道潮楼、上楼都系共用厨房，一样做茶市，费事等啦！一于转到隔离啦！坐低睇餐牌同点心纸，咦！有一半点心以上都似曾相识，虾饺烧卖炸云吞，连叉烧包都有呀！只不过多左「苏浙」两个字，同隔离一样㖞！咁就放心啦！系食唔到想食Ｄ潮州卤水！冇问题！睇下睇下，见到个「浦东炒饭」，人一世物一世，试下都冇坏！哈！你估系乜？原来即系福建炒饭，「福建」又叫「浦东」？无谓考究，话时话，福建炒饭在福建有冇得食都「木宰羊」！总之几好食，又几抵食！埋单两旧，你觉得好味时佢又好利就算数啦！