影片
更多
2017-07-16
1055 浏览
※本文以用餐当日的环境、服务和食物质素为准，口味亦因人而异，文章只作参考之用。-香港既餐厅真系多元化，耐不耐又会有新餐厅勾起小妹去潮圣既意欲。今次就去左间比较地道既Cafe，餐厅位于旺角通菜街（近女人街）两旁的地铺，餐厅有融合到香港地道风味x西式既新派菜，网上风评普遍都唔错，使用网上订位仲有主餐79折优惠。餐厅环境整洁，周边也有不同的装饰和摆设；餐厅有多张二至四人枱，也设有梳化位。六点多去到时虽然未坐满，近八时已坐满八成，人流不断。餐牌上的选择可多了，单点的有汤、全日早餐、铁板烤扒、意粉/意大利饭、拉面/稻庭乌冬、皇牌沙河粉、小食等；甜品有港式鸡蛋仔、法式西多士同德国班戟，相片望落都吸引，散叫餐牌价钱算是大众化，订位后叫主菜仲有79折，抵！（甜品系无折扣的）另外都有做晚餐铁板烤扒套餐同河粉套餐，不过估唔到连日本A3黑毛和牛都有得食$5xx，唔平，不过呢个价钱老实说我会宁愿叫其他食物。(餐牌太多放在文末)乌龙拿铁 $38望望餐牌竟然有乌龙拿铁，二话不说点黎试下。味道方面是饮到茶味的，但就唔算明显，反而佢偏重咖啡苦。唔...唔太岩我饮。一加一 （套餐+$12）其实系芒果菠萝蓝蝶花冻饮，蓝蝶
-
香港既餐厅真系多元化，耐不耐又会有新餐厅勾起小妹去潮圣既意欲。今次就去左间比较地道既Cafe，餐厅位于旺角通菜街（近女人街）两旁的地铺，餐厅有融合到香港地道风味x西式既新派菜，网上风评普遍都唔错，使用网上订位仲有主餐79折优惠。
餐厅环境整洁，周边也有不同的装饰和摆设；餐厅有多张二至四人枱，也设有梳化位。六点多去到时虽然未坐满，近八时已坐满八成，人流不断。
餐牌上的选择可多了，单点的有汤、全日早餐、铁板烤扒、意粉/意大利饭、拉面/稻庭乌冬、皇牌沙河粉、小食等；甜品有港式鸡蛋仔、法式西多士同德国班戟，相片望落都吸引，散叫餐牌价钱算是大众化，订位后叫主菜仲有79折，抵！（甜品系无折扣的）
另外都有做晚餐铁板烤扒套餐同河粉套餐，不过估唔到连日本A3黑毛和牛都有得食$5xx，唔平，不过呢个价钱老实说我会宁愿叫其他食物。
(餐牌太多放在文末)
一加一 + 乌龙拿铁
24 浏览
0 赞好
0 留言
乌龙拿铁 $38
望望餐牌竟然有乌龙拿铁，二话不说点黎试下。味道方面是饮到茶味的，但就唔算明显，反而佢偏重咖啡苦。唔...唔太岩我饮。
一加一 （套餐+$12）
其实系芒果菠萝蓝蝶花冻饮，蓝蝶花本身无味，饮落系芒果x菠萝糖浆既味道，靓之余都几解渴。
碗仔翅 （套餐）
14 浏览
0 赞好
0 留言
碗仔翅 （套餐）
餐牌除左食材配搭上新颖，连餐汤都一律转为做港式风味既「碗仔翅」真系几有谂头。跟餐细细碗，望落都算多料，味道正常，仲好细心有埋红醋比你加。见到单点大锅既碗仔翅，入面仲有跟原只素鲍鱼同海参，好盏鬼。
皇牌卡邦拿拉沙河粉
$88
41 浏览
0 赞好
0 留言
皇牌卡邦拿拉沙河粉 $88
转程黎就系为左呢款变奏版卡邦尼，老板将平时用开既意粉转做河粉，估唔到一点违和感都无。食落河粉质感幼滑，挂汁程度又比想像中来得多，卡邦尼的味道调得恰到好处，不咸不腻，加埋烟肉同菇片，好食！
烤西班牙黑毛猪配松露汁
$92
35 浏览
0 赞好
0 留言
烤西班牙黑毛猪配松露汁 $92
烙上网纹的黑毛猪，伴菜有味道不错的薯格、烤茄子和车厘茄。讲返黑毛猪，质素比想像的来得好，虽然块黑毛猪扒一百蚊都唔使，但系你会食到带爽既肉质，仲有烤过的微焦香，咀嚼中也尝到肉香。喜欢的更可以蘸上松露汁，黑松露味道不算太明显，所以不用担心会担了味道。
紫薯吉士鸡蛋仔伴雪糕 $58
几钟意佢地既鸡蛋仔既配搭，卖相又靓，用既小铁锅又靓。除左紫薯仲有阿华田、Tiramisu同抹茶味可以拣。
紫薯吉士鸡蛋仔伴雪糕
$58
11 浏览
0 赞好
0 留言
鸡蛋仔上放左吉士酱，仲有紫薯茸，旁边系一球香芋雪糕、半溶棉花糖同少少鲜果。
如果你系好期望鸡蛋仔充满蛋味既话会劝你叫其他甜品，因为基本上呢个鸡蛋仔系无蛋香，要靠吉士酱同紫薯先有味；质感似鸡蛋仔形窝夫，咬落带点烟韧口感，不过全部配料加埋一齐食都唔差！
餐牌部份
张贴
