影片
更多
2024-09-30
1999 浏览
平时都好少去大埔，但系最近见到IG有好多人讲呢间Cafe咁就过嚟试吓啦。一入到嚟就已经见到个环境劲靓，同埋有好多特别嘅蔬菜，亦都有啲自家制果酱、蜜糖等等售卖。可能我𠮶日啱啱好大雨，所以即使周末咖啡店里面唔系好多人。而且咖啡店入面空间好大楼底好高好适合打卡或者睇吓书、做吓嘢、chill吓。本身朋友想叫卡邦尼意粉，但系我见到侧边嘅人都系叫白酒意粉，而且啲蚬好大粒好吸引。白酒蚬意粉嘅蚬的确非常之大粒，亦都好新鲜意粉，亦都煮得啱啱好，蒜香味好浓，而且非常大份，呢个价钱嚟讲比起其他Cafe绝对系非常抵食。至于杂苺法兰西多士，蛋味香浓，而且里面好软熟同外面脆脆地既焦糖2重口感，真系好正。加上佢配合嘅生果酸酸甜甜，减少咗甜腻感。我哋另外再叫咗一份香脆粟米球，一上到嚟就见到两个巨型嘅粟米球，真系好震撼。呢个粟米球炸得唔会太干身，只不过如果佢可以做细少少可能会好啲因为真系太大个啦。虽然都唔系话炸得好油腻，但系食到最后真系会有啲厌，冇乜味道上嘅变化。喺饮品方面，爱玉蜂蜜柠檬水做得好出色，柠檬味好香配上蜂蜜嘅甜味同埋爱玉口感同味道都好平均，系一个好适合夏天嘅饮品。呢间Cafe非常之推荐大家周末同一班朋友过嚟
一入到嚟就已经见到个环境劲靓，同埋有好多特别嘅蔬菜，亦都有啲自家制果酱、蜜糖等等售卖。
可能我𠮶日啱啱好大雨，所以即使周末咖啡店里面唔系好多人。而且咖啡店入面空间好大楼底好高好适合打卡或者睇吓书、做吓嘢、chill吓。
本身朋友想叫卡邦尼意粉，但系我见到侧边嘅人都系叫白酒意粉，而且啲蚬好大粒好吸引。白酒蚬意粉嘅蚬的确非常之大粒，亦都好新鲜意粉，亦都煮得啱啱好，蒜香味好浓，而且非常大份，呢个价钱嚟讲比起其他Cafe绝对系非常抵食。
至于杂苺法兰西多士，蛋味香浓，而且里面好软熟同外面脆脆地既焦糖2重口感，真系好正。加上佢配合嘅生果酸酸甜甜，减少咗甜腻感。
我哋另外再叫咗一份香脆粟米球，一上到嚟就见到两个巨型嘅粟米球，真系好震撼。呢个粟米球炸得唔会太干身，只不过如果佢可以做细少少可能会好啲因为真系太大个啦。虽然都唔系话炸得好油腻，但系食到最后真系会有啲厌，冇乜味道上嘅变化。
喺饮品方面，爱玉蜂蜜柠檬水做得好出色，柠檬味好香配上蜂蜜嘅甜味同埋爱玉口感同味道都好平均，系一个好适合夏天嘅饮品。
呢间Cafe非常之推荐大家周末同一班朋友过嚟，环境同食物都好正好relaxing。食得出餐厅都好用心制作食物，食物都非常高质素，而且比起其他Cafe嚟讲佢价钱算相宜，份量亦好大，如果只系两个女仔嚟嘅话可能叫一份主食已经够，所以可能嚟多几次先可以试晒佢嘅嘢，下次有机会一定会再嚟。
张贴
