葵 (已結業)

谂住喺条横间7仔买嘢饮，点知喺隔嚟见到间黄黄哋几特别o既铺头，初时以为系卖西式甜品，点知原来系卖拉面，真系估你唔到，不过横掂肚饿就试下新嘢啦。叫咗鸡白汤拉面同完熟桃味梳打。现场系睇住师傅即叫即煮，闲谈间得知原来啱啱开，上个FACEBOOK先知铺名系叫"葵"，而铺面系见唔到任何"葵"字鸡白汤拉面，虽然睇落去摆菜好平淡，但细心睇其实有啲位系几用心，平时啲铺头只会系半只糖心蛋，呢间就成只上；呢到就系去芯粟米，佢一片片咁可以一次过食而平时啲拉面铺会系粟米粒；面质弹牙份量都多。各位如果要嚟记住认隔嚟间7仔，因为铺面招牌唔会令你揾到间铺，小铺系要支持，希望会成功。