蚊蚊豬老火鍋 (已結業)

🐷🐽蚊蚊猪·老火锅 烤鱼|鸡煲|放题🍲今日去开呢头又极度肚饿，所以谂住同朋友是旦揾间打边炉放题刷餐饱，点知呢间一啲都唔失礼，正到痺。👍🏻👍🏻呢个药膳汤底非常浓，成煲汤好足料，落药材一啲都唔孤寒又多鸡。而且我哋留啲鸡喺度等佢熬，令到个汤底越嚟越香。不错不错‼️未真正食火锅料之前，我哋先食咗啲鱼生垫吓肚，佢哋嘅三文鱼好厚身所以口感好饱满，而且几有光泽，证明几新鲜。同埋佢哋嘅八爪鱼都唔错。不过一定要讲吓佢哋嘅熟食，烧汁牛仔骨同埋烧猪颈肉串真系好入味，佢啲配料好香但又唔会浓到盖过本身嘅肉味，特别份量方面都好值得赞，佢嘅一份唔会好多搞到自己好饱又可以减少浪费。去到重点！呢个牛拼盘一啲都马虎。分别有牛坂腱、极上牛肩嫩肉、封门柳同埋牛舌。四样都系唔错嘅部位，全部都好好味，特别符合本人钟意膻味呢个喜好🤣，真系食唔停口。当然，以上只系冰山一角，佢哋仲有好多唔同嘅火锅料，鱼生，熟食等等任君选择，一定符合各位嘅口味。如果下次去开呢头一定会再来叹过。👍🏻👍🏻