影片
更多
2023-12-10
39 浏览
呢间餐厅佢嘅装修十分之靓，而且格调时尚有品味，环境舒服又够Chill，同朋友饮酒食饭又或者情侣约会绝对适合不过，但绝对估唔到佢系一间好地道好正宗嘅越南餐厅。佢嘅食材好多都系由越南产地直送，有啲更加系平时喺香港唔容易揾得到，大厨亦系土生土长嘅越南人，整体口味就好似置生于越南一样。我哋先嚟叫左2个海鲜，香料嘅运用或许就系呢间餐厅嘅其中一个卖点，佢令我体验到一个全新嘅味道。班兰蚬汤配焗法包先要讲嘅系个蚬，只只都大大只，啖啖肉，完全无沙无异味，非常新鲜。而班兰嘅味道十分之香甜，加上柠檬草同姜等等嘅配料，口味非常之独特。个汤十分之鲜甜，用嚟点面包食又或者就咁饮都绝对无问题。😋法包喺呢个菜式入面绝对唔系一个配角，佢都系主角之一。特别之处在于佢略带粉红色，仲有啲黑色嘅一粒粒。问过老板，原来包入面加左啲打烂嘅火龙果，所以有啲粉红而且食落口有啲清甜。越式炒螺一般我地食螺主要都系白焯、油盐水、豉汁又或者辣酒煮。而呢间餐厅就正正用左越式嘅香料去炒，除左保留到螺嘅鲜甜之外，亦都食到好清新香料嘅味道，非常之惹味。而整道菜有款好Signature嘅味道同香气，系我之前未尝试过嘅，呢款香料叫Rau Rum，直接啲讲
呢间餐厅佢嘅装修十分之靓，而且格调时尚有品味，环境舒服又够Chill，同朋友饮酒食饭又或者情侣约会绝对适合不过，但绝对估唔到佢系一间好地道好正宗嘅越南餐厅。
佢嘅食材好多都系由越南产地直送，有啲更加系平时喺香港唔容易揾得到，大厨亦系土生土长嘅越南人，整体口味就好似置生于越南一样。
我哋先嚟叫左2个海鲜，香料嘅运用或许就系呢间餐厅嘅其中一个卖点，佢令我体验到一个全新嘅味道。
班兰蚬汤配焗法包
2 浏览
0 赞好
0 留言
先要讲嘅系个蚬，只只都大大只，啖啖肉，完全无沙无异味，非常新鲜。而班兰嘅味道十分之香甜，加上柠檬草同姜等等嘅配料，口味非常之独特。个汤十分之鲜甜，用嚟点面包食又或者就咁饮都绝对无问题。😋
3 浏览
0 赞好
0 留言
法包喺呢个菜式入面绝对唔系一个配角，佢都系主角之一。特别之处在于佢略带粉红色，仲有啲黑色嘅一粒粒。问过老板，原来包入面加左啲打烂嘅火龙果，所以有啲粉红而且食落口有啲清甜。
越式炒螺
2 浏览
0 赞好
0 留言
一般我地食螺主要都系白焯、油盐水、豉汁又或者辣酒煮。而呢间餐厅就正正用左越式嘅香料去炒，除左保留到螺嘅鲜甜之外，亦都食到好清新香料嘅味道，非常之惹味。而整道菜有款好Signature嘅味道同香气，系我之前未尝试过嘅，呢款香料叫Rau Rum，直接啲讲系越南芫荽，佢入口带点果香，同时又有啲微辣，十分之香口惹味。加上个螺炒得够火候够干身，绝对系佐酒绝佳嘅美食。
另外，我地仲叫左2款小食。
肉松烤茄子
5 浏览
0 赞好
0 留言
茄子烤得香口，唔会过淋亦同时唔会过生，配上啖啖嘅肉松，唔需要太多调味已经好好食，好清爽。
烧猪肉米纸卷
5 浏览
0 赞好
0 留言
米纸卷得够结实唔会容易烂，口感烟韧，而且米味很香。馅料方便猪肉烧得很香，同米纸好夹。值得一提系个酱汁，花生味十分之浓郁同惹味，点嚟送米纸卷真系一流。
食过海鲜又食过小食，始终要揾返啲淀粉质落肚嘅，咁食越南野又点可能唔食汤粉呢，于是乎就叫左个...
PHO SPECIAL X 河粉
5 浏览
0 赞好
0 留言
呢个汤底真系十分清甜，十分浓郁，啖啖都充满牛味，老板话系用牛骨煮左超过20个钟而成，所以先做到呢个效果。
出面一般嘅越南河只会用上较簿嘅肥牛，而呢度就用左肉感较重嘅牛柳，所以食落口更有口感更有牛味。
呢个河粉嘅另一卖点就系条牛骨，中间嘅牛骨髓绝对系邪恶之选，刮啲落个汤度一齐食，牛嘅油脂令到个口味倍增。
呢度除左做越南菜之外，夜晚约9点后会以酒吧式经营，会卖下啲唔同类型嘅啤酒咁，老板介绍左佢呢度新推嘅一款越南手工啤俾我饮。
7 Bridges 柚子手工啤
5 浏览
0 赞好
0 留言
0 浏览
0 赞好
0 留言
呢只手工啤嘅麦味好出好香，同时有阵好清香嘅柚子味，入口感觉好舒服好特别。饮啤酒就紧要要够冻，好欣赏呢度雪到啤酒够冻之余，仲有只好冻嘅杯，入口超爽呀。呢度老板仲话迟啲会有生啤，好期待下次再嚟😍😍
张贴
