影片
更多
2016-01-13
1034 浏览
我最钟意试新嘢！去食饭唔钟意去重复嘅餐厅，如果有得拣，返工唔计XD！！2015年嘅最后1日早放工，约咗朋友未够钟，就去湾仔行下。结果见到上一阵好出面嘅鸡蛋仔店，虽然我一直都知道佢嘅存在，自己亦都有介绍过畀朋友，不过真系第一次嚟到门前。一场嚟到，就买返个试下先。咸味鸡蛋仔已经唔系咩新鲜事，2年前荃湾有店舖已经推出。不过，腊肠味、泡菜味等又真系第一次见！你敢出，我敢食！连朋友都话要挑战，试「腊肠味」（$22）！当鸡蛋仔仲喺店员手上嘅时候，我已经闻到好香嘅「腊味」味！哗！真系用咗腊肠啵！影完相，即刻趁热食！鸡蛋仔咬落真系外脆内软，真系好耐无食过咁有口感嘅鸡蛋仔。食到中间，发现多咗一股咸香！哗！腊肠呀！哈哈！食食下鸡蛋仔食到腊肠肉嘅感觉原来系咁兴奋！真系每一粒鸡蛋仔中间都有真．腊肠！呢个惊喜 moment 一定要影嚟留念啦！腊肠食起嚟唔会觉得好油，因为铁模发热把鸡蛋仔浆烘熟嘅过程中，腊肠嘅油脂已经溶化，渗入咗鸡蛋仔里面，所以，其实鸡蛋仔散发出阵阵腊味嘅甘香。腊肠细细粒，咸咸哋，同甜甜哋加少少奶香味嘅鸡蛋仔，原来可以咁夹！我同朋友竟然食到停唔到口呀！话口未完，最后一粒鸡蛋仔都未咬完，朋友已经讲定
我最钟意试新嘢！去食饭唔钟意去重复嘅餐厅，如果有得拣，返工唔计XD！！2015年嘅最后1日早放工，约咗朋友未够钟，就去湾仔行下。
结果见到上一阵好出面嘅鸡蛋仔店，虽然我一直都知道佢嘅存在，自己亦都有介绍过畀朋友，不过真系第一次嚟到门前。一场嚟到，就买返个试下先。咸味鸡蛋仔已经唔系咩新鲜事，2年前荃湾有店舖已经推出。不过，腊肠味、泡菜味等又真系第一次见！
你敢出，我敢食！连朋友都话要挑战，试「腊肠味」（$22）！
当鸡蛋仔仲喺店员手上嘅时候，我已经闻到好香嘅「腊味」味！哗！真系用咗腊肠啵！影完相，即刻趁热食！
鸡蛋仔咬落真系外脆内软，真系好耐无食过咁有口感嘅鸡蛋仔。食到中间，发现多咗一股咸香！哗！腊肠呀！哈哈！食食下鸡蛋仔食到腊肠肉嘅感觉原来系咁兴奋！真系每一粒鸡蛋仔中间都有真．腊肠！呢个惊喜 moment 一定要影嚟留念啦！
腊肠食起嚟唔会觉得好油，因为铁模发热把鸡蛋仔浆烘熟嘅过程中，腊肠嘅油脂已经溶化，渗入咗鸡蛋仔里面，所以，其实鸡蛋仔散发出阵阵腊味嘅甘香。腊肠细细粒，咸咸哋，同甜甜哋加少少奶香味嘅鸡蛋仔，原来可以咁夹！我同朋友竟然食到停唔到口呀！话口未完，最后一粒鸡蛋仔都未咬完，朋友已经讲定下次要试泡菜年糕味同米饭布丁，哈哈！睇嚟 Oddies 嘅呢个新口味好成功！我们都真系估唔到呢个腊肠鸡蛋仔会咁好味=P
$22蚊觉得贵？还好啦，宜家有特色嘅嘢就系咁……谂返𠮶个2、3啖就食完嘅芝士挞（其实成本好平架咋……）呢个鸡蛋仔，至少，拎住系手，可以取暖之余，可以同身边人一齐享受边行边食，开心 share 嘅乐趣呢！
一边打，一边回味。我又想食呀，点算？
题外话/补充资料：
快啲影完相，快啲食！同埋食之前要「索」下𠮶香味！
(以上食记乃用户个人意见 , 并不代表OpenRice之观点。)
张贴
