洗衣裡的咖啡 (已結業)

LoL Coffee in WasH 一边系自助洗衣店，一边卖咖啡，中间仲有另一间传统洗衣舖。据店主讲，咖啡店同洗衣店二合一嘅模式，全香港计埋佢哋应该暂时只得两间。呢度嘅咖啡可以由客人选择咖啡豆，由于有工作在身，唔方便饮奶啡，于是叫咗个伯爵茶汤力咖啡。我根据店主嘅建议，拣咗较为 fruity 嘅豆，一试之下，呢只豆果然跟 tonic 好夹，咖啡味既浓，口感亦好清新，加上伯爵茶嘅香气，同埋柠檬汁嘅鲜味，成杯咖啡层次丰富，绝对值得推介👍。除咗咖啡之外，呢度都有日式饭团寄卖，系由一位日本女仔每日亲手制作，我试过金平先生（牛蒡）同鲜味昆布，两者都用料丰富，包装精美，我好钟意食牛蒡，所以较喜欢前者，后者都好味，不过对于我嚟讲，就稍为味浓咗少少😂。