影片
更多
2015-07-11
1989 浏览
有朋自远方来，难得聚一聚，就拣咗打边炉，围埋一齐易倾计。原本长枱卡位，位置都ok，酒楼见我哋一行6人，竟然主动提出换张圆枱我哋。张枱大咗又易倾计，fit哂！ 点咗特价孖宝，鸳鸯汤底另配红、黄、绿各一嘅边炉料~点咗肥牛、羊肉、鸡肉、三鲜鱼皮鲛、云吞、水饺、四宝丸。觉得最出色系墨鱼滑，爽口弹牙！手唧蟹子面好得意，咬落粒粒蟹子，好味又特别~ 都想讲吓混酱材料总共10款！辣椒粒好出味，配以豉油，简直系打边炉绝配！知味酱都唔错，似日式涮涮锅沾嘅芝麻酱；仲有潮州辣酱，冇想像中辣到发麻号感觉，有啲似XO酱个惹味~任饮当然唔少得各款汽水，酸梅汤，夏枯草，豆浆都有，估佢唔到有石榴同菠萝沙冰，好味！ 糖水有红、绿豆沙，芝麻糊，最出色系杏仁茶~
点咗特价孖宝，鸳鸯汤底另配红、黄、绿各一嘅边炉料~点咗肥牛、羊肉、鸡肉、三鲜鱼皮鲛、云吞、水饺、四宝丸。觉得最出色系墨鱼滑，爽口弹牙！手唧蟹子面好得意，咬落粒粒蟹子，好味又特别~
都想讲吓混酱材料总共10款！辣椒粒好出味，配以豉油，简直系打边炉绝配！知味酱都唔错，似日式涮涮锅沾嘅芝麻酱；仲有潮州辣酱，冇想像中辣到发麻号感觉，有啲似XO酱个惹味~
任饮当然唔少得各款汽水，酸梅汤，夏枯草，豆浆都有，估佢唔到有石榴同菠萝沙冰，好味！ 糖水有红、绿豆沙，芝麻糊，最出色系杏仁茶~
题外话/补充资料：
值得一提，宜家做紧夏令半价，枱枱食紧龙虾伊面，酱油鸡，好抵食！可惜我哋用咗打边炉孖宝，唔可以同时有呢个优惠...
(以上食记乃用户个人意见 , 并不代表OpenRice之观点。)
张贴
