Seoul Good (已結業)

众所周知元朗多美食，今次去咗小店，之前呢个舖位系三杀位，但转咗Seoul Good 之后，为元朗带来时尚同年轻感觉！店舖装修好靓，好适合影相！今次黎已经转咗圣诞装饰，特别有气氛！我哋点咗辣炒猪肉汉堡同江南风味牛肉饭。晚餐跟餐汤同饮品，好抵食！辣炒猪肉汉堡配炸薯角同芽菜，猪肉唔太辣，我唔食辣都觉得好好味！仲有芝士同生菜，食落好清新，薯角刚刚炸起，香脆可口！江南风味牛肉饭，牛肉煮得好嫩，d汁送饭好正，配菜都系芽菜，好健康。葱花加在牛肉上面，色彩更丰富，伴碟靓，而且饭好大碗，两个人食刚刚好。职员服务态度殷切，价钱又抵，合共$124。