名館 (已結業)

原本一心谂住去食𠮶个麻雀嘅甜品，点知系Menu揾极都揾唔到，跟住唯有叫咗第二啲嘢食。叫咗个脆皮炸鲜奶，如果佢油嘅味道冇咁重其实佢都几好食，我叫咗盅鳄鱼汤，好清甜好饮。叫咗一碟酸菜鱼，出奇地好食，我以为食呢啲菜要北上先食到果只味，原来唔洗，我系铜锣湾都食到，我哋仲带咗水煮牛肉，不过唔记得影相，水煮牛肉里面嘅材料好丰富好似打边炉咁，味道就一般啦，冇酸菜鱼咁好食，叫咗一笼小笼包，因为里面啲猪肉馅有加埋葱包，所以唔啱我口味，我哋仲叫咗个唔知咩上汤鱼腐，点知食极都冇鱼腐只有鱼蛋，我哋问个经理，佢话原来个Menu打错字，应该系上汤浸鱼蛋，但系我哋唔问佢哋都唔讲，呢啲事情唔系应该要系落单时通知个客人咩？