陵發潮州白粥 (已結業)

在豪华戏院睇完戏散场，又唔想出旺角闹市同人迫或等位，想起附近有间叫陵发既潮州食肆，我一直都未有机会去试，今次有机会喇!坐低睇餐牌，吓....点解冇价钱既?选择也不多，谂都未谂到，家人已经落单，又系既，反正潮州嘢，食嚟食去都系果几样。食物上台，先试韮菜猪红，平平无奇。再试卤水鹅，肉厚又够嫩，唔错噃，食埋蚝仔蛋，很香脆呢！而蚝仔肉碎粥的蚝仔都唔细只，也洗得很干净，味道也很好。我们平时叫开的红肠，这儿的楼面称呼它为香肠，很搞笑。红肠，墨鱼及猪肠，因内脏不是我杯茶，所以，冇试到，但淋了卤水的墨鱼唔韧，红肠都好好味，而凤爪都炆得好淋，正! 总括而言，这儿除了冇价钱的餐牌，有少少惊赫外，食物都比想像中出色。我们一行三人，叫了五𩠌一粥，3枝可乐，1枝啤酒，埋单600有找，拉平均数每款食物大约80元左右，价钱都唔算贵。