影片
更多
2017-05-06
101 浏览
又到星期五啦，我又可以放监去下街啦，今日因为老公要到观塘买野之后就谂起有个朋友推介过呢度有任食打边炉，于是就黎试下啦。价钱分左几种，老公因为知我钟意食牛脷所以就叫左168个只啦。汤底本身我想拣呢度出名嘅椰子木瓜鸡煲，但因为我妹唔食木瓜怕会好大阵木瓜味，所以就拣左个蕃茄汤底。一打开个盖已经闻到阵阵蕃茄味，个底除左有蕃茄仲有肉碎同洋葱，所以除左蕃茄味之外仲有一阵甜味。自助吧台上有各样蔬菜，款式都算多，仲有埋出面少巿嘅紫薯Tim。另一面就有各种丸类，午餐肉，肠仔个d。另外仲有个冷盘区，佢嘅豆腐沙律个酱有少少辣，几特别。寿司方面竟然有鳗鱼小卷，好惊喜，味道仲要唔错。仲有一个热食区，有鱼旦，炒杂菜同炒饭。饮品都系一般嘅汽水同纸包饮品，另有啤酒。肉类都唔错，但每盘系计人头每人一块 所以一次过可能要叫几份先叫，当然咁做系怕有人眼阔肚窄浪费食物啦。牛肉：肥瘦适中，块块都好新鲜，唔错。猪肉：都几好但偏瘦，煮太耐会鞋，要一熟就立即食。牛脷：第一次食打边炉落牛脷，感觉好新奇，食耐去有少少难咬 因为本身牛脷较硬身，但味道都唔错，唔会好大阵稣味。海鲜盘：有青口，鱿鱼同生蚝，每样都系按人头计，样样都好新鲜，生蚝都
价钱分左几种，老公因为知我钟意食牛脷所以就叫左168个只啦。
汤底本身我想拣呢度出名嘅椰子木瓜鸡煲，但因为我妹唔食木瓜怕会好大阵木瓜味，所以就拣左个蕃茄汤底。一打开个盖已经闻到阵阵蕃茄味，个底除左有蕃茄仲有肉碎同洋葱，所以除左蕃茄味之外仲有一阵甜味。
自助吧台上有各样蔬菜，款式都算多，仲有埋出面少巿嘅紫薯Tim。
另一面就有各种丸类，午餐肉，肠仔个d。
另外仲有个冷盘区，佢嘅豆腐沙律个酱有少少辣，几特别。寿司方面竟然有鳗鱼小卷，好惊喜，味道仲要唔错。仲有一个热食区，有鱼旦，炒杂菜同炒饭。
饮品都系一般嘅汽水同纸包饮品，另有啤酒。
肉类都唔错，但每盘系计人头每人一块 所以一次过可能要叫几份先叫，当然咁做系怕有人眼阔肚窄浪费食物啦。牛肉：肥瘦适中，块块都好新鲜，唔错。
猪肉：都几好但偏瘦，煮太耐会鞋，要一熟就立即食。
牛脷：第一次食打边炉落牛脷，感觉好新奇，食耐去有少少难咬 因为本身牛脷较硬身，但味道都唔错，唔会好大阵稣味。
海鲜盘：有青口，鱿鱼同生蚝，每样都系按人头计，样样都好新鲜，生蚝都唔会话系好细粒，但鱿鱼值得一赞、好鲜味！
我地仲叫左份黄金鸡，估唔到一份有咁大碟，佢系鸡件黎，唔知佢本身系唔系跟个椰子汤底，因为鸡嘅旁边有几件木瓜，上呢个鸡时仲有一盅沙姜同2粒青柠，系用黎点鸡食，但我地冇咁试到。但鸡肉够滑，煮耐左都唔会鞋。另外台上面仲有一个沙漏，我地完全唔知有咩用，又冇职员讲过，后黎问返朋友原来话系用黎比你计住水滚落鸡件，沙漏停左就可以食鸡、咁鸡就唔会被煮得过火。但我地知道个用法时已经食完了。
另外呢度有雪糕食，系自助嘅。有牛奶味同抺菜味，仲可以自己加topping 。佢仲有一种系出面好少见嘅酱，系香槟提子酱，食落去几特别，有淡淡香槟味，提子味较重，但味道几match。
其实呢度系工业区，理应好少人会系放工后经过，但估唔到都全场爆满，果然我朋友冇介绍错。
张贴
