一鼎‧台式火鍋 (MOSTown新港城中心(4期))

营业中

休息中

钟意台式火锅，又钟意任食放题嘅朋友，我有一个好地方介绍俾大家，就系位于马鞍山MOSTown新港城中心嘅一鼎‧台式火锅！呢度地方阔落，卫生干净，啲食材都非常新鲜，侍应仲好有礼貌咁向我介绍佢哋嘅餐牌，成个用餐过程都非常舒适！我今次嘅用餐体验系叫咗2锅$289嘅【澳洲200日纯壳饲牛】，用餐时间系90分钟任食。汤底拣咗佢哋推介嘅【熏鲣鱼】同【红烧火牛】汤底。【熏鲣鱼】汤底汤底味道适中，唔会重口味，然后鲣鱼非常鲜，搭配海草令汤唔会腻。捞埋各种食材煮出嚟，都非常嘅好食。【红烧火牛】汤底唔会太辣，而且非常浓郁，适中嘅辣度刺激住味蕾，简直爽到唔得。佢哋澳洲牛肉片真系非常新鲜，由色泽睇落嚟就非常可口，放入锅度涮后，鲜嫩多汁，满满咁包住汤底嘅鲜香，仲非常有咬口。今次仲特登叫咗侍应推介嘅【黑糖炸麻薯】，呢个小食外脆内软，甜而不腻，系嚟呢度必食嘅小食。我本身食量好大，呢度真系可以令我食到饱，食到爽，所以真心非常推荐大家嚟呢度试吓佢哋嘅放题！