慵懶生物 (已結業)

今天天气好好，咁就去咗宋皇台站睇古迹，睇完就由宋皇台行返落去九龙城，刚刚喺回旋处过马路就见到一间比较特别嘅餐厅叫lazy creature，见到佢系两个相连铺，而外面仲有一啲凳，咁我就坐喺出面𠮶度，享受下阳光同埋食过quick lunch，特别的服务员话畀我哋知，原来坐出面系用外卖纸餐具，我谂可能佢出面嘅位置，根本唔可以做餐堂，所以走法律罅，不过冇所谓啦我哋都系想食个lunch啫，我哋唔系咁肚饿，所以就点了一个all day breakfast同埋两杯嘢饮，我就点咗个ginger latte，朋友就点都过cappuccino. 当食物放餐枱面嘅时候，真系用纸碟，而当时都几大风，真系要揿住晒啲嘢已免被咪吹走，all Day buffet个菇，整得唔错，啲蛋都仲算滑，其他都standard啦。ginger latte其实就真系姜粉加落latte𠮶度,少少特别，cappuccino就一般啦。最想讲就系见到原来有好多客都会带只狗嚟呢度饮嘢同埋食晏。坐喺度好似睇狗展咁样，大狗细狗都有。钟意狗嘅朋友真系可以嚟食下嘢，环境唔错。只系食物价钱都比较贵。