影片
更多
2011-05-24
27 浏览
平时好少去北角, 早几日去城市花园探一个朋友(佢刚刚生左个B), 睇完BB之后佢两公婆请我去城市花园酒店既中菜厅食饭, 估唔到原来好好食架, 真系有五星级酒店既水准. 佢地系"无饭"夫妇, 简直当呢道系饭堂, 一个星期黎三四晚, 已经系熟客仔, 个经理知我第一次黎, 特登叫厨房整个tasting menu俾我, 细细碟但可以试好多款唔同既招牌菜. 头盆六小碟: 有白切肉, 柚子醋浸蓄茄仔, 叉烧, 煎酿四季豆, 素鹅同牛肉粒最like系果两粒去左皮既蕃茄仔, 蕃茄本身好鲜甜, 用柚子醋浸过, 味道好清新, 超正. 第二like既系煎酿四季豆, 最初以为系煎酿青椒, 我最憎食青椒, 一见到就即刻叫我个friend帮我啃左佢, 点知佢话唔系青椒黎架, 试下先啦, 一咬落去原来系好爽脆既豆豆, 上面酿左虾胶, 又弹牙又爽脆, 好夹. 叉烧同牛肉粒都好juicy, 牛肉应该系和牛, D肉质先会咁松软. 素鹅唔会油淋淋, 摆到最后先食都仲脆卜卜. 白切肉就咸左D. 杏汁花胶汤: 见个汤D颜色白雪雪, 就知道杏汁味有几浓, 个waiter一打开个盅盖, D杏仁味即刻扑出黎, 块花胶仲好厚身, 劲有
佢地系"无饭"夫妇, 简直当呢道系饭堂, 一个星期黎三四晚, 已经系熟客仔, 个经理知我第一次黎, 特登叫厨房整个tasting menu俾我, 细细碟但可以试好多款唔同既招牌菜.
头盆六小碟: 有白切肉, 柚子醋浸蓄茄仔, 叉烧, 煎酿四季豆, 素鹅同牛肉粒
最like系果两粒去左皮既蕃茄仔, 蕃茄本身好鲜甜, 用柚子醋浸过, 味道好清新, 超正. 第二like既系煎酿四季豆, 最初以为系煎酿青椒, 我最憎食青椒, 一见到就即刻叫我个friend帮我啃左佢, 点知佢话唔系青椒黎架, 试下先啦, 一咬落去原来系好爽脆既豆豆, 上面酿左虾胶, 又弹牙又爽脆, 好夹. 叉烧同牛肉粒都好juicy, 牛肉应该系和牛, D肉质先会咁松软. 素鹅唔会油淋淋, 摆到最后先食都仲脆卜卜. 白切肉就咸左D. 杏汁花胶汤: 见个汤D颜色白雪雪, 就知道杏汁味有几浓, 个waiter一打开个盅盖, D杏仁味即刻扑出黎, 块花胶仲好厚身, 劲有咬口. 除左花胶之外, 仲有D好似牛筋咁既物体, 原来系猪蹄筋, 又养颜又补关节, 女人恩物.
金钱蟹盒伴虾球: 金钱蟹盒系怀旧菜, 唔系周围都有得食, 就算揾到大多数都炸到好油腻, 呢度既师傅掌握得好好, 唔油腻不特止, 仲好酥脆松化. 虾球即时被蟹盒既风头盖过, 好彩D香浓既虾膏抢返唔少分数 (其实我唔知果D系虾膏定蟹黄).
虽然细细碟, 但系食到呢度已经开始饱, 对接住落黎既菜色已经兴趣不大, 点知系呢个时候, 经理送来一杯好精致既菜色, 简直眼前一亮. 经理话呢味系得奖菜, 叫雪岭红梅映松露. 杯中三层颜色都系蛋白黎, 只不过每层都加入不同配料做成颜色鲜艳, 层次分明的效果, 入口即刻涌来一阵浓烈既松露香味, 同嫩滑既蛋白出奇地夹. 上面块鱼肉好鲜, 好滑. 更神奇系唔知点解呢味菜既温度可以一直保持高温, 我地一边食一边倾偈, 我大大话话都食左成十五至二十分钟先食晒成杯, 但系由头到尾D蛋白都系咁热, 超赞!
跟住落黎既鱼汤浸苋菜, 茶皇鸡同师傅炒饭, 实在是太饱, 所以印象有D模糊, 只记得只茶皇鸡肥廋适中, 散发淡淡龙井茶香, 如果系平时我一定会连骨都"伦"埋.
但系无论几饱我都一定会食埋个甜品, 最近我有D热气, 成日喉咙痛, 呢个甜品真系最啱我 - 雪莲子五宝茶. 雪蛤同莲子就食得多, 雪莲子都系第一次食, 透明状烟烟Un Un, 好似啫哩状既花胶咁, 几得意, 唔知系咪心理作用, 食完之后个喉咙好润好舒服.
呢餐饭真系好满意, 好开心, 好surprise, 喜出望外, 我仲即刻订埋台下星期带我爸爸妈妈黎食添. Oh, 顺带一提, 餐厅最入面有几张卡位, 坐疏化舒服D, 无咁多人系则边行黎行去兼无咁嘈, 倾偈最好.
张贴
