意粉 360 (已結業)

谂唔到食咩，记得朋友之前俾咗张食满三百减一百嘅coupon，而且之前食过都唔差，就嚟咗食。估唔到，食物系大伏.....叫咗个日式铁板牛肉，味道一般，但食嚟食去都觉得似食中菜，真系想叫侍应俾个靓仔(白饭)我....再嚟青酱蚬肉意粉，厨师唔记得落盐，淡到死.....再叫个烟三文鱼PIZZA，味道几好，系最可取嘅一味菜......仲有咗个田螺薯蓉拼洋葱圈，洋葱圈味道正常，但个田螺D肉好枚，好难食，而薯蓉好鞋口....食到呢度，我忍唔住影底一枱咁难食嘅菜.......环境方面坐得舒服，但有几只蚊滋不停喺我D𩠌附近飞嚟飞去....服务方面侍应完全无神无气(好似唔够瞓/唔愿做咁)，但会自动自觉加水......之前明明几好食，系咪因为世界杯，所以食物同服务都搅成咁呢？