利寶閣 (已結業)

平时去食中餐，都系去大型连锁酒楼，今次去利宝阁，估唔到有意外收获。我地一行7人，叫左2个4人套餐。招牌蜜汁叉烧，半肥瘦，唔会太肥腻，加埋蜜汁口感一流～我地仲叫左佢个「黯然销魂饭」，一样好好味，我谂应该拍得住食神个碗脆皮烧汁鸡，鸡皮烧得好脆好爽口，而且佢唔系肥鸡，唔会食到成口都系肥膏跟餐老火汤，自问好耐无饮老火汤，屋企真系好少会煲～虽然佢有跟汤，不过我地都另外叫左佢个佛跳墙炖汤，比头先个老火汤更好饮，饮完感觉滋补左唔少今晚叫左2味菇，花菇鹅掌煲、红烧北菇豆腐，菇同样都焖得好淋好入味，而且仲要大大粒菇，好抵食手打顺德鱼腐煲，鱼腐口感好特别，成粒好软淋淋，好似食紧棉花糖清蒸海沙巴斑仔，鱼肉蒸得好嫩滑，又唔会整到太淋，食落带有少少弹牙同样地，碧绿炒斑球都好好味，斑球整得好爽口，呢间酒楼整鱼都有一手，唔错上汤焗龙虾伊面，龙虾同伊面真系好夹，份量啱啱好，可以分到一人一碗一般酒楼都会送甜品，但系只会系糖水 或 生果，呢度就一次过送哂，最后仲比我食多一碟蛋散添，感觉好抵食呀！而且我觉得职员服务态度好好，好主动帮我地加茶、换碟、收走吉碟咁，抵赞！