滾得棧

营业中

休息中

早两日特别冻，本来想去旺角试一下旺顺，不过原本个个食评都话无乜人的哩间野，都因为天气冻多人打边炉而爆晒棚，于是索性返深井去试下滚得栈。可能因为我地晏黎啦，都成九点半，所以户外区都有几多位唔使等。其实冻冻地系户外打边炉仲够Mood，好过坐室内周围烟。我同朋友两个人要左个胡椒猪肚汤，其他火锅料包括：炸鱼皮鸡件四宝丸韭菜饺鱼面西洋菜唔记得仲有无其他，但应该系咁上下。其中有啲系半份的，但最后都系食唔晒。个胡椒猪肚汤好好味，当汤饮真系一流，至于的火锅料，最正的系啲鸡同鱼面，可惜因为食左其他野先，哩两样到最后反而食唔晒要打包。至于其他的火锅料，因为都只系大路野，所以都系正正路路咁，但四宝丸中的虾丸真系值得一赞，好爽口，好有虾味。