饗樂町 (已結業)

行过弥敦道，平时沿路两边都系啲连锁餐厅，或者系一啲贵价，但系唔好食嘅餐厅。琴晚行过见到呢间出边个餐牌几吸引，入边又坐得舒舒服服，所以就毫不犹豫咁入咗去。本身都冇咩期望，但系见到佢餐牌啲嘢好多选择，图片亦都系好似好好食。同我女朋友一人叫咗一个餐，我叫咗个软壳蟹天妇罗乌冬，佢仲会送面豉汤同埋前菜，如果加嘢饮的话就可以半价换购。食物个软壳蟹天妇罗系原只，非常之抌本，而食物嚟到嘅时候个天妇罗应该系啱啱炸好，所以好新鲜好脆。个软壳蟹好有口感，平时出去食日本餐厅都好少会比原只，而佢呢一个乌冬亦只系$68 ，真系抵到烂。除咗个软壳蟹之外，佢仲有两只虾嘅天妇罗，同埋其他配菜嘅天妇罗，𠮶啲都好好食。唯一美中不足就系个乌冬份量有啲细，所以建议如果男士去食的话可以叫饭，咁就应该会够饱啦。