富山居 (裝修中)

而家疫情好严重 夜晚冇得出去外出食晚餐 咁唯有晏昼补返数 上网见到呢间位于大埔嘅居酒屋 佢哋嘅lunch set都可以食到好丰富 同晚市套餐一样咁高质🙈板烧鸡扒香葱酱油捞面 呢啲茶餐厅先会出现嘅食物 竟然系居酒屋见到 但系质素比茶餐厅高好多！鸡扒好香口 嫩滑 虽然好厚但系一啲都唔鞋 食落啖啖肉 鸡皮唔会好油腻 香葱味好出 再配埋蒜蓉 重口味人士必食 个捞面真系好入味 好食😋 岩盐烧牛舌伴温室蕃茄手工扁意粉 呢度嘅牛舌味道真系好高质 牛舌虽然薄薄一层 但系一咬落去好淋 入口即溶 完全唔使好大力就可以咬开 岩盐落得岩岩好 唔会太咸 手工扁意粉好入味 意粉好弹牙 呢个真系唔错！总括嚟讲呢间 居酒屋嘅质素真系唔错 好值得再嚟！