有鑊氣-酸菜魚 (醫局街)

营业中

休息中

邻居话附近有间小店佢嘅晚饭好得，午餐好味CP值高，所以今日就同妈妈一齐去试佢嘅午餐先。Openrice 话开中午12点，但准时去到已经差唔多全埸满。一座低我哋就睇咗佢啲是日午餐，价钱大约系$42-50(包热饮/罐装汽水)。二话不说我就拣咗蒸龙趸头腩饭，妈妈就拣咗沙姜鸡饭。等左大约10分钟...一嚟到就觉得鱼俾得都好足，立即夹咗一旧嚟食，真系有惊喜，佢啲肉质好新鲜亦都冇雪藏味..底嘅蒜蓉粉丝亦都好惹味。跟住妈妈嘅沙姜鸡饭就嚟到，虽然冇特别大惊喜，但鸡都好入味。嘢饮我哋就叫咗一杯冻柠茶，一杯热柠茶，正常味道啦😆整体来讲呢间小店真系几好味，虽然入边只有两个姐姐喺度做嘢比较忙，但系以咁嘅价钱$50就可以食到龙趸头腩蒸饭CP值真系高。下次一定会book位去试下佢嘅晚饭，酸菜鱼。