掌壽司 (已結業)

对上一次嚟长寿司食，已经系年几前嘅事。记得上次食完之后，好食之余又好饱，一直念念不忘。今晚终于再嚟食佢，依然冇令我失望。同老婆book咗七点枱，准时去到。一坐低，店员就递上餐牌，我哋叫咗个二人前，坐左冇耐，就上菜啦。先泥个沙律，沙律嘅汁酸酸甜甜， 好开胃，加埋佢有粒粒鱼子，食落更有口感。跟住6点刺身盛。上菜之后，店员好详细咁介绍每款刺身，又建议埋食嘅次序，由淡到浓(鲷鱼>油甘鱼>萤光鱿鱼>生虾>海胆>拖罗)。刺身overall泥讲都几新鲜，特别值得一提既系海胆，好大块，而且味道浓郁，好味😋跟住上枱既系寿司，分别系带子刺身寿司，词池鱼司同埋吞拿鱼蓉寿司。三款寿司既味道都各有特色，味道都唔错。跟住就系烧物——盐烧鱼鲛。呢个烧物，我真系直竖拇指👍🏻。或者本身我系中意食香口野既人啦，呢个鱼鲛真系烧得好出色。外皮脆，但肉质够嫩，加埋柠檬汁，香口得泥又好清新，认真赞！跟住就系寿喜烧锅物配『M9和牛』同埋『北海道豚肉』。两款肉都好稔，好配寿喜烧既汁，点埋生鸡蛋一齐食，真系好食到停唔到口。最后，上埋个豆腐雪糕。呢个雪糕甜度适中，为整个晚餐划上完美句号。总括嚟讲，