影片
更多
2019-09-05
133 浏览
今日应朋友约黎东涌佢屋企楼下陪佢食饭，平日其实都好似无乜机会会特别入到黎东涌，但估唔到佢楼下呢间泰国餐厅令我咁有惊喜。我本身系个泰国迷，呢间餐厅既装修真系同泰国布吉海边既bar and restaurant好似。夏日炎炎，先点左两杯饮品。朋友饮既系Cha Thai，姐系泰式奶茶，佢觉得呢个甜度几岩香港人饮，即系无泰国既咁甜，但饮得出茶底系正宗泰国茶。我就叫左杯珍多冰，入面有好多红红绿绿既粉圆，有咬口，好消暑。第一道菜我地叫左个金柚鲜虾沙律，沙律系用左泰式青木瓜沙律去调味。入面有一片片既沙田柚果肉，大虾，花生，红洋葱，莞茜同埋D干葱蒜。食落真系好有泰国风味，浓味得黎因为有果肉，所以系清新既。之后我地叫左个汤，本身想叫冬阴功，但侍应推荐我地可以试下呢个当地人非常钟意既菠萝海鲜酸辣清汤。的确佢系无推介错，饮得出佢有冬阴功所有香草既味，但系无落椰汁。海鲜份量好多，而且唔系雪藏海鲜！朋友都话呢个汤香港未饮过呢个味道，十分惊喜。食泰国野又点少得食香叶包鸡呢。呢个鸡一份四件，我地两个人食就岩岩好。解开左之后闻到好大阵香料味，虽然旧鸡好大，但系每一啖都会食到好香既香草味。不错最后加左个越南牛尾！我一系
夏日炎炎，先点左两杯饮品。朋友饮既系Cha Thai，姐系泰式奶茶，佢觉得呢个甜度几岩香港人饮，即系无泰国既咁甜，但饮得出茶底系正宗泰国茶。我就叫左杯珍多冰，入面有好多红红绿绿既粉圆，有咬口，好消暑。
第一道菜我地叫左个金柚鲜虾沙律，沙律系用左泰式青木瓜沙律去调味。入面有一片片既沙田柚果肉，大虾，花生，红洋葱，莞茜同埋D干葱蒜。食落真系好有泰国风味，浓味得黎因为有果肉，所以系清新既。
之后我地叫左个汤，本身想叫冬阴功，但侍应推荐我地可以试下呢个当地人非常钟意既菠萝海鲜酸辣清汤。的确佢系无推介错，饮得出佢有冬阴功所有香草既味，但系无落椰汁。海鲜份量好多，而且唔系雪藏海鲜！朋友都话呢个汤香港未饮过呢个味道，十分惊喜。
食泰国野又点少得食香叶包鸡呢。呢个鸡一份四件，我地两个人食就岩岩好。解开左之后闻到好大阵香料味，虽然旧鸡好大，但系每一啖都会食到好香既香草味。不错
最后加左个越南牛尾！我一系牛尾fans，虽然好多人觉得呢个位无乜肉食，但其实整得好味，当佢牛腩咁食好正。呢度整得非常唔错，个汁除左有蕃茄同红酒味，重点系佢同时加左好多牛油落去煎香牛尾，所以成个酱汁系充满牛香。口感亦都很好，佢肉质无煮到完全烂哂，而系仲有小小咬口。唯一美中不足既就是唔知点解上枱个阵有小小冻左，如果系热辣辣一定系好好味。
同侍应用泰文倾左两句计，感觉到佢地其实好有心机想做好呢间餐厅，对客人都好有礼貌。虽然地点偏僻，但东涌如果唔想同旅客逼，呢边系一个好选择。最后点了一个整得几正宗既芒果糯米饭，食住超甜既芒果同朋友结束呢一个好泰既夜晚，结果呢晚我地食左500蚊有找，对于有service既泰菜黎讲，相当便宜。
张贴
