和歌山 (樂富廣場A區)

营业中

休息中

朋友住乐富。大家上完佢屋企玩，佢就介绍我哋去新开嘅日式西餐厅dinner, 晚饭时间都刍人，餐厅装修简洁光猛，大部分都系卡位，所以坐得都舒适。🐟 比目鱼柚庵烧御膳$128呢个够哂吸引，包括有五款渍物前菜，同埋一碗温泉玉子，仲有蚬肉面豉汤，蚬肉面豉汤入面有一只好大只嘅蚬，饮落好香蚬味，比目鱼煎到刚刚好，肉质够滑又结实，鱼皮薄薄但好脆，附送嘅温泉蛋捞埋落啲饭𠮶度食，真系好好味😋连五款渍都咁好食。🐟 烧喜之次御膳$158呢个同上面个和风御膳，前菜、渍物同埋汤都系一样嘅，只系个鱼改为「喜之次」，「喜之次」有海中红宝石之称，绝对系珍贵，烧得好香，鱼质嫩滑带有少少胶质，好特别好好味。🦪 自家制牡蛎饺子$68一见到menu 有牡蛎🦪饺子，即要order, 本人极爱食蚝，饺子皮薄煎得够脆，饺子个馅系用广东话岛蚝搅成，我估入边会沟咗少少豚肉，咬落去好香蚝味，一啲腥嘅感觉都冇。好好味，推荐呢个比大家😊🍊 和歌山水果茶王$48水果茶落足料，杯内满满嘅水果，有橙、蓝梅、士多啤梨🍓苹果，饮落好香水果味，又唔太甜，饮完觉得自己充满维他命C😄**总括嚟讲，呢间我嘅评价就系佢个CP值好高，系一间好抵食嘅日式西餐厅。