影片
更多
2021-07-02
2380 浏览
经过几次芳华绝代，见到面口餐牌都几吸引，星期六去试一试，大概2:00左右，都尚算食晏时间，去到量体温，做好政府要求入食肆前嘅动作，无需等待就安排坐喺收银处及霓虹光管附近位置，好有feel。而且枱与枱之间空间宽阔，感觉舒适。坐低都未点餐就发现有张印有QR Code嘅单喺枱面，系嚟点餐用，方便得嚟又可以减少接触。当日见到个Lunch Meun都几多款式种类，而且价钱又得宜，就点咗:-1. 泰式炒金边粉，选择咗鸡肉。橙红色嘅金边粉烟韧弹牙，而且唔会断到一嚿嚿，口感十足，仲要条条粉无论色香同味道都好均匀。重点系鸡肉一啲都唔逊色，唔系一般鸡肉或者鸡粒，而系一件件嘅烧鸡件，食到鸡肉充满香烤味道，腌味都十分出色。配料都有豆干、芽菜同韮等，不得不提系当中嘅虾米数量唔少，味道浓郁，啲size都算厚同大粒，非常滋味。2. 泰北海南鸡饭配油饭，油饭粒粒烟韧分明，油香平均。鸡肉嫩滑连爽口鸡皮一拼入口，感觉水润想滑入喉咙，不过鸡肉调味略逊，鸡本身味道都系偏淡。不过配上个独制嘅海南鸡酱就截然不同，酱汁味道姜味好有后劲，十分刺激。餐饮叫咗:-荔枝菠萝梳打 - 荔枝味果汁加上菠萝粒，甜
坐低都未点餐就发现有张印有QR Code嘅单喺枱面，系嚟点餐用，方便得嚟又可以减少接触。
当日见到个Lunch Meun都几多款式种类，而且价钱又得宜，就点咗:-
1. 泰式炒金边粉，选择咗鸡肉。橙红色嘅金边粉烟韧弹牙，而且唔会断到一嚿嚿，口感十足，仲要条条粉无论色香同味道都好均匀。重点系鸡肉一啲都唔逊色，唔系一般鸡肉或者鸡粒，而系一件件嘅烧鸡件，食到鸡肉充满香烤味道，腌味都十分出色。配料都有豆干、芽菜同韮等，不得不提系当中嘅虾米数量唔少，味道浓郁，啲size都算厚同大粒，非常滋味。
2. 泰北海南鸡饭配油饭，油饭粒粒烟韧分明，油香平均。鸡肉嫩滑连爽口鸡皮一拼入口，感觉水润想滑入喉咙，不过鸡肉调味略逊，鸡本身味道都系偏淡。不过配上个独制嘅海南鸡酱就截然不同，酱汁味道姜味好有后劲，十分刺激。
餐饮叫咗:-
荔枝菠萝梳打 - 荔枝味果汁加上菠萝粒，甜特得嚟相当清爽，加上有汽梳打，忍唔住想一饮而尽。
冻斋啡 – 咖啡味香同突出，不过略嫌水份量太多，加上冰粒，搅到杯咖啡好啖。
总括环境舒适，服务都好周到，仲有食物都令人满意。唯独系场内播放音乐好大声，感觉有啲吵耳。
泰式金边粉（鸡肉）
17 浏览
0 赞好
0 留言
泰北海南鸡饭
15 浏览
0 赞好
0 留言
荔枝菠萝梳打
12 浏览
0 赞好
0 留言
Black Coffee
16 浏览
0 赞好
0 留言
张贴
