野玩海店 (已結業)

男朋友话带我去食海鲜圣诞大餐 我仲担心好贵 但原来完全系两回事 今日嚟到太子始创地库嘅呢间餐厅 有个好抵食嘅二人海鲜餐 焗原只波士顿龙虾海鲜拼盘 再配上双重芝士汁 芝士汁成个盘都系鲜橙色 闻落已经好重芝士味 而且芝士汁配海鲜冇得输非常之邪恶 有原只大大只嘅波士顿 龙虾两只钳同个头大过我成块面好夸张 佢真系爆肉仲有啲深橙色嘅膏 好鲜味而且好新鲜 咩调味都唔使落就已经好好食 大虾两只 就冇乜特别但系非常之大只 而且冇普通虎虾咁淡而无味 新鲜青口同新鲜大蚬各两只 认真系好大只 有我手掌心咁大 同样地好鲜味 青口亦都好巨型 仲有焗薯同粟米 加埋芝士汁一齐食非常之夹 跟餐仲有餐汤同埋沙律用上黑醋汁 清新而唔油腻 仲有个是日薄饼薄饼系用咗千岛酱 上面仲有好多芝士好香口 跟餐仲有tiramisu 另外仲叫多咗个炸软壳蟹 软壳蟹好脆口而且同样地好鲜味菠萝黑加仑子特饮 原来菠萝加上黑加仑子都有神奇嘅化学作用 呢餐系超级无敌大满足 有好多海鲜食而且配上我最爱嘅芝士 真系食到舐舐脷 两个人埋单都系六百几超抵