薄餅怪獸

营业中

休息中

呢间之前见好多人排队，所以一直冇去食，今次见到人多所以就决定去试吓～朋友叫咗杯冻柠茶都几大杯，我就拣咗罗宋汤，都几多料。因为觉得食pizza同埋炸鸡好邪恶，所以叫咗一份沙律。佢嘅蒜蓉包都唔错，又唔会好干身，少少脆口咁，佢嘅油醋汁调味调得几好，成个沙律好清爽，好啱解漏。之前听朋友讲话佢个炸鸡好好食，所以今次叫咗两件，一件系鸡髀，一件系鸡胸。我觉得佢同KFC炸鸡有少少似，但系佢炸得更香脆，又唔会太厚粉，仲保留到肉汁，呢个我会再叫。最后叫咗个星级夏威夷嘅细批，估唔到佢都几有心思，系一个心形🧡。我几钟意呢种厚度嘅Pizza，佢上面除咗菠萝之外仲有蜜桃，口感丰富得来更鲜甜，同千岛酱好夹，如果大家钟意食菠萝Pizza，呢个可以试吓。其实我觉得佢啲Pizza口味都好多，不过真系一次试唔晒🤣，下次再试吓其他啦唯有。