豬仔石磨腸粉

营业中

休息中

我自己平时好少行入上水旧墟，估唔到原来有咁多食肆小店，而且有D营业时间会到零晨!! 😮真系食宵夜嘅好地方。呢间石磨肠粉除左有传统肠粉外，仲有火龙果、南瓜、甘笋口味，认真创新。我就拣左传统口味，石磨葱花斋肠套餐 $25套餐包肠粉、饮品、6粒烧卖或鱼蛋，如果作为早餐都几抵几丰富。鱼蛋系有咬口嘅陈皮鱼蛋；烧卖无特别。呢度嘅石磨肠几有惊喜，居然系带点韧性且弹性肠粉，对比我以前喺大陆食嘅滑嘟嘟石磨肠粉，我更中意呢度嘅口感😋。生炸鸡髀 $24由于即叫即炸，所以要等2个字。热辣辣到手，香气喷人🤤。炸衣用左面包糠，特别脆。鸡髀用普通腌料腌制左、偏咸，所以我乜调味粉都无再加。炸嘅时间同火喉处理得几好，鸡肉嫩滑而多汁。$24一只几抵😏。