牧羊少年咖啡館 (The LOHAS康城)

营业中

休息中

话说见佢第一日新开 又见佢个名有咖啡两个字咪谂住买杯咖啡饮啰， 好啦，咁我望过头顶个Menu见到佢热Cafe Latte $24 觉得几抵㖞，就更加觉得要试喇。 排队前面其实都系得 一个人， 个服务员得闲就望吓自己啲同事吹两句水， 有时就去带位，  有时就讲讲吓嘢突然行开咗，我心谂条友系咪新来㗎，但系我发觉原来唔系 佢啲同事都喺一担担，其他人都系喺度吹水。 Anyway讲返重点，咁我嗌热latte 同我讲上面头顶个Menu系错嘅，同埋佢剩系得大嘅杯，所以呢个价呢就要跟返纸张Menu个价$36， 我心谂冇问题啦，平时咖啡都差唔多呢啲价钱啦。咁我就俾钱啦，条四眼女依旧都系一心几用 但又冇效率，我俾applepay好似都俾咗几分钟。 过咗几分钟，佢递杯热latte俾我 个杯喺同麦当劳 细橙汁 嘅size仲要细， 如果呢个系个大杯装，咁我谂佢部咖啡机应该退休嘞。 不过我无谓为咗$36同佢去争论啦，显得我cheap， 一嚟佢哋印象分已经接近零二来杯咖啡亦都唔系好饮，所以呢我就永久Blacklist啦 你哋去试呢就祝你好运喇。 康城又多一间垃圾啦，过两年一定执。