影片
更多
2017-01-08
2686 浏览
一家8人打算星期日晚同老豆开开心心庆祝生日，早几日前已经订咗间房同寿包，仲有职员打电话嚟确认咗2次!当晚预定时间前10分钟我哋到咗睇下有冇得早啲拎定台，好声好气同门口个姓李嘅短头发女经理拎台，佢话冇人订台㖞，仲质疑我哋有冇订，「边个话你知留咗间房俾你㗎」，佢话张台仲被客食紧，未可以执台住（我哋屋企人识呢度其中一位员工，佢当晚冇返，但之前有帮我哋睇当晚得我哋一台客订咗房）。我哋明顾客唔系大晒，但佢嘅态度真系好差，不可一世咁😤一齐等嘅几张台客都入晒去，净系得返我哋系度等⋯之后等咗半个钟，终于被安排坐系出面一张大台😤未坐低，就见到台布上有个细路鞋印同啲小食物碎。谂住佢会换过张台布，点知佢就咁揾张餐巾遮住个鞋印就算😨啲碗碟一啲都唔干净、有食物积有条头发，都算，费事烦，我哋自己洗☹️落单有漏咗一次单、叫饭同啤酒等咗10分钟都唔嚟要催😵但其他上菜上得几快同食物质素接受到。到最尾，佢叫上寿包同蛋糕，过咗5分钟，佢番返嚟同我哋讲 冇！寿！包！😡😡😡😡😡有冇搞错，老人家生日、一早订台有落单、我都见到佢印俾我张对菜单有寿包（即系我哋系有订台有落寿包），佢而家竟然讲卖晒？！我哋真系火都嚟，问佢落晒单点解都系咁
当晚预定时间前10分钟我哋到咗睇下有冇得早啲拎定台，好声好气同门口个姓李嘅短头发女经理拎台，佢话冇人订台㖞，仲质疑我哋有冇订，「边个话你知留咗间房俾你㗎」，佢话张台仲被客食紧，未可以执台住（我哋屋企人识呢度其中一位员工，佢当晚冇返，但之前有帮我哋睇当晚得我哋一台客订咗房）。我哋明顾客唔系大晒，但佢嘅态度真系好差，不可一世咁😤一齐等嘅几张台客都入晒去，净系得返我哋系度等⋯
之后等咗半个钟，终于被安排坐系出面一张大台😤未坐低，就见到台布上有个细路鞋印同啲小食物碎。谂住佢会换过张台布，点知佢就咁揾张餐巾遮住个鞋印就算😨啲碗碟一啲都唔干净、有食物积有条头发，都算，费事烦，我哋自己洗☹️
落单有漏咗一次单、叫饭同啤酒等咗10分钟都唔嚟要催😵但其他上菜上得几快同食物质素接受到。到最尾，佢叫上寿包同蛋糕，过咗5分钟，佢番返嚟同我哋讲 冇！寿！包！😡😡😡😡😡有冇搞错，老人家生日、一早订台有落单、我都见到佢印俾我张对菜单有寿包（即系我哋系有订台有落寿包），佢而家竟然讲卖晒？！我哋真系火都嚟，问佢落晒单点解都系咁，佢话俾第2台客食紧收唔返！！我哋望去间房，间房门口仲贴住张纸写住「x先生」（系我哋留位个姓），门口有个中年男人咬住个寿包睇住对住门口嘅电视😦哗！！！道气顶住上心口！全家人冇晒心机同气氛，即刻揾店长嘈。佢话唔好意思混乱搞错咗，最多去超级市场买过俾我哋或者俾流沙包代替。痴线，乜都补唔返。老人家正日生日，齐齐整整一家人食餐饭，谂住乜都安排好晒，竟然被呢啲态度差安排差嘅员工搞到劳气！！呢间嘢除咗食物ok，其他样样差劣。可！一！不！可！再！绝对不推荐！
张贴