屏山老地方 (已搬遷) 新店位置

今日同朋友去聚会去咗坑尾村一间老地方肉饼店食饭。可能今日系第一日开张，所以唔系好多人去食。 咁我朋友就点咗一份蒙古辣孜然羊肉煎肉饼饭，咁我就点咗一份黄金银虾煎肉饼饭。我朋友𠮶份蒙古辣孜然羊肉煎肉饼饭个孜然粉好香，个羊肉嘅味道好浓味闻起身好香。我点𠮶一份黄金银虾煎肉饼饭咧，虽然个味道冇咁浓系清香滴，但系个肉质系非常之好同埋多汁嘅。 我哋都点咗一杯冻柠檬水啦，𠮶啲柠檬水都系好清凉饮起身好自然𠮶种感觉，而且呢𠮶间店呢好有人情味同埋个设计都好贴地邻居生活𠮶种感觉。 肉饼店嘅选择有好多而且佢仲用咗一滴水果去整一啲食物出嚟我觉得个配搭系非常之好同埋健康嘅。我觉得唯一嘅不足就系话个配料啦，譬如话辣椒啦，因为本人钟意食辣但系觉得个辣椒酱得个辣味冇乜嘢香味所以我觉得呢一点唔系几好嘅，希望个辣椒会有啲香味会更加正的。 不过总体嚟讲呢佢𠮶边嘅食物非常之好味同埋都几健康嘅配搭，价钱仲好优惠添，值得一食。