龍點心 (軒尼詩道)

营业中

休息中

跟朋友去咗呢间舖头食点心，都有啲意外惊喜。我哋一共叫咗七款野，因为我好钟意食虾，所以好多款都系用虾整，例如龙饺子里面有虾饺，仲有鲜虾腐皮卷同埋虾多士。我觉得佢用嘅虾都几爽口弹牙，整体质素唔错。朋友大赞个马拉糕好食，我食咗少少，觉得味道几得意。担担面都唔错，佢俾我哋自己加啲酱汁落去，咁样其实几方便，因为我有阵时食嘢唔钟意太浓味，咁样嘅话我可以放少啲酱。最正都系𠮶个口水汁龙脷鱼肠粉，边度估到肠粉里面可以加龙脷鱼，仲要同口水汁咁夹，好食到我觉得我可以再食多一碟。整体嚟讲我系几满意呢间嘢嘅质素，有机会下次会再嚟。