聚點 (已結業)

星期日同朋友去咗文化中心扮文青，行到攰就系周围揾好野食， 行下行下行到去呢一条街。本身呢一条街充满著感觉上只系招呼游客嘅餐厅， 本身感觉麻麻， 但系见呢一间好似好有本土特色，我地就入去试下。 叫咗一个聚香鸡、沙爹肥牛粉丝煲、 干炒牛河同埋椒盐鱿鱼。首先嚟咗个聚香鸡， 系大约半只豉油鸡， 鸡肉十分之嫰滑，鼓油汁好香， 出奇到连鸡胸都可以系滑㗎，仲要 完全无雪藏味 ，真系重点推介。 之后就黎过干炒牛河， 佢有啲芝麻喺面， 中间仲有啲韭菜同埋葱，大大碟， 牛肉份量亦都够，一啲都唔油，good!另外要赞好嘅系沙嗲肥牛粉丝， 一啲都唔欺场，牛肉分量多 ，沙嗲味香浓， 真系估唔到尖沙咀都可以揾到啲咁本土嘅茶餐厅，又好味， 值得一赞。