大街小館

营业中

休息中

呢间本身系做甜品，其实一路都未食过佢嘅甜品，反而见佢最近晏昼有西餐食, 都帮衬过几次,因为估唔到佢嘅西餐系几高质, 唔系茶餐厅水平有惊喜平时食开鸡扒芦笋意大利饭多,今日转左新Menu, 试吓呢个烩猪寸蕃茄意大利饭. 呢个饭都几开胃, 有啲蕃茄蓉同埋蔬菜粒, 但系个饭就比较湿d 汁太水，但系整体系好食嘅.𠮶个猪仔髀有两件, 啲肉超腍但又唔鞋口，唔错。之前试过佢嘅西餐汤, 就真系麻麻地, 个南瓜汤系劲水. 今次试吓中式汤。椰皇虫草花炖鸡汤：估唔到真系有成个椰皇，入边仲有超多料，红萝卜，羊肚菌，龙眼红枣，椰子肉, 饮得出系好清甜有椰皇味，仲要系新鲜热辣辣加$20, 非常有诚意。