六和冰室

营业中

休息中

老友住喺麗港城嗰邊，所以元宵節就過嚟觀塘呢邊搵食。估唔到咁耐冇黎觀塘，成條成業街竟然有咁多餐廳！老友話呢間新開嘅六和冰室唔錯，所以姑且一試！今晚都叫咗幾多餸菜，不過唔係好記得影相，好多小菜都做得好出色，熱烈推介招牌吊燒骨、豉油王大蝦、仲有豉汁聖子煎米粉底！個煎米粉底真係一試難忘，呢排夜晚冇食澱粉質嘅我都忍唔到口食咗好多！仲有老友嗌咗一個薑蔥魚卜，平時嘅我一定唔會叫呢個，因為我平時怕腥唔食魚，見老友猛咁話好食，咁就一於試一試，估唔到真係彈牙冇腥味好好食！佢哋自家製嘅薏米水都好出色，仲可以免費添加，呢樣真係非常值得一讚！估唔到做餐廳都咁周到！現場好多檯都係叫烤魚，已經約咗老友下次嚟食烤魚，希望都有驚喜。