Bugis@叻沙・海南雞飯

营业中

休息中

钻石山其实无乜好野食，黎得呢度行街就预左求其食，我对海南鸡饭其实冇乜特别爱，会选择呢间餐厅完全系因为未食过，加上假日下午茶时间唔使等位几好。肉骨茶汤面几好食，我对马来文化认识唔多，总之个面黎到时好香，但系唔系好浓做汤面啱啱好，入口味道倾向清香多过浓郁，面方面无乜特别，清清地。沙嗲鸡串烧啲沙嗲汁几惹味香浓唔辣啱我食，食得串烧就唔好对啲肉有咩期望，呢个系合格有多嘅。叻沙就真系不得了，好好食，我唔知系咪因为之前食过啲劣食叻沙，觉得呢个又香又浓郁，甜口，非常非常轻微辣味，真系汤都想饮哂，虽然好肥........至于面，呢个面入味过肉骨茶个面好多，赞👍🏻整体黎讲唔算平但大商场合理价钱，性价比甚高。