影片
更多
2010-05-09
13 浏览
今日同Honey出TST睇戏,睇完戏已经夜晚11点,无咩选择,行过好多都话12点关门,但我唔想又系d牛南面,即刻ＩＰＨＯＮＥ上网揾野食啦！呢间野开到３点，fit晒！之不过d食评好坏一半,但Honey话d差食评都系d非会员同得一篇食评既人唔使理,所以包拗颈要去一试。间野都几难揾,原来系北京填鸭泰丰楼下面,个日星期5晚11点几都重有几台客既。一坐低,侍应就放两杯水,都唔系Ｄ人咁讲唔俾水即！ 餐牌密密码码好多选择,菜,肉类同海鲜加埋有成100种,不过无相,我真系接受唔到罗,睇死人咩！！同埋有相吸引d嘛!真系无心机睇晒d字,另外酒亦都好多,青岛生啤,Hongarden,日本清酒,烧酎,红白酒都有,不过Honey揸车唔饮得，佢几唔开心呀，不过呢度竟然有我系ＳＯＧＯ见过既冇酒精啤酒卖！！ＨＯＮＥＹ即刻开心晒！！ 个男侍应话供应有限所以menu冇架！好彩我论野够大声俾Ｄ侍应听到....佢中问我地系咪第一次黎,介绍左一d食物俾我地,咁佢话事啦!介绍得都应该唔会差挂?惊喜２!!呢度竟然有wifi上网!而且好快。惊喜３!!系d男侍应都几ＯＫ㖞,而且有一个面黑黑,瘦瘦的几靓仔,未见过成间餐厅d男仔都系咁ＯＫ
间野都几难揾,原来系北京填鸭泰丰楼下面,个日星期5晚11点几都重有几台客既。一坐低,侍应就放两杯水,都唔系Ｄ人咁讲唔俾水即！ 餐牌密密码码好多选择,菜,肉类同海鲜加埋有成100种,不过无相,我真系接受唔到罗,睇死人咩！！同埋有相吸引d嘛!真系无心机睇晒d字,另外酒亦都好多,青岛生啤,Hongarden,日本清酒,烧酎,红白酒都有,不过Honey揸车唔饮得，佢几唔开心呀，不过呢度竟然有我系ＳＯＧＯ见过既冇酒精啤酒卖！！ＨＯＮＥＹ即刻开心晒！！ 个男侍应话供应有限所以menu冇架！好彩我论野够大声俾Ｄ侍应听到....佢中问我地系咪第一次黎,介绍左一d食物俾我地,咁佢话事啦!介绍得都应该唔会差挂?
惊喜２!!呢度竟然有wifi上网!而且好快。
惊喜３!!系d男侍应都几ＯＫ㖞,而且有一个面黑黑,瘦瘦的几靓仔,未见过成间餐厅d男仔都系咁ＯＫ的,不过Honey话唔靓罗!(笑)
讲番Ｄ野食先
八爪鱼棒(侍应推介)
男侍应推介的,外表似煎罗白糕,原来里面有八爪鱼粒,几弹牙!唔错?
凉伴介兰(侍应推介)
哗!好粗啰,之前系酒楼食过都唔会咁粗,口感好爽,一份有10条,其实两个人食完都饱饱地
烧鸡泡鱼干(侍应推介)
普通啰!同平时日本餐厅食既味差不多,唔系太特别,不过价钱都比日本餐厅平少少
烧蚝(侍应推介)
侍应见我地得两个人,话唔使一次过食半打,叫4只都够食,可以试其他野,够细心,不过Honey话钟意食,之后一见就知都几大件事,因为d蚝比想像中大只,我食了两只都够了,Honey就话呢个最好味,一口气食晒4只,夸张!
烧牛舌(侍应推介)
1串3块,切得好厚身,同去日本餐厅差不多,口味是盐烧的,口感同味道都十分好,我最钟意呢个
烧猪颈肉(侍应推介)
烧得好干身,好爽,都保持到个肉味,一人一串好快食晒,下次可以试下用佢地既特色孜然烧,
烧鸡软骨
我至爱,食紧日本野都会叫，都好得呀～～感觉好爽口,干度岩岩好,盐烧竟然好过尖东地库成日去个间日本野！
烧菜心
食咁多肉,都系时候食少少菜平衡一下,呢个用左孜然烧,味觉又同之前d唔同，重好juicy唔会干曾曾,加埋孜然好有风味
烧粟米
落单时侍应主动问我地想用孜然定蜜糖烧,我地就拣左蜜糖,条粟米超甜,热辣辣好好食,虽然开始饱,但我地食晒成条
点知开始饱啰!但Honey之前眼阔肚窄叫左好多野,咁我地问一个四眼侍应重有几多未黎,佢话重有4样,我地话好饱，四眼侍应就话睇下边d未做就帮我地取消,最后都取消了2样,我觉得佢地几好人,唔会黑面逼我地要晒Ｄ野！!不过人地第一次黎食，如果佢地见我地叫得太多, 主动提醒下, 咁系perfect啦！！
烧通菜
可能已经饱了!所以无咩特别感觉,但Honey话好味过菜心
烧玉子！
即系烧蛋,日本的做法,有少少甜甜地,其实几开胃,不过真系食唔落喇!
成餐饭感觉都好好!灯光好柔和,坐位都唔太迫,因为间餐厅唔满,所以侍应一开始就叫我地坐4人table,系d音乐(播英文流行歌)同间餐厅格格不入咁,男侍应有礼面带微笑,女侍应就比较无表情,隔离台有一班客同那个又黑又瘦的靓仔一齐饮,气氛好好!似去日本旅行时的居酒屋,呢度至少唔会好似尖东地库那间,因为叫得少或者唔饮酒就黑我地面罗,呢间店气氛会好一Ｄ,埋单时四眼侍应重走黎问我地d食物得唔得,我同Honey话唔错,不过投诉餐牌无相罗,佢就话5月中会有个新餐牌,加左10几样野食,重有烧饭团同乌冬,而且有相睇,哈哈!俾我讲中,餐牌无相唔吸引架!
最后埋单400有找,我同Honey都好满意,话下次带朋友book房玩多次,四眼侍应话book房唔使最低消费,我决定下星期约番做空姐既旧同事再食过!但Honey话又要一齐黎罗(笑)
张贴
